Sipas mediave serbe, qeveria në Sofje ka njoftuar se do të mbyllë rubinetat dhe do të ndalojë rrjedhën e gazit rus përmes Bullgarisë nëse Rusia e ngarkon atë me rubla dhe jo në dollarë si më parë.
Pas sanksioneve drastike të vendosura nga Perëndimi ndaj Rusisë për agresionin e saj kundër Ukrainës, sektori financiar dhe bankat ruse janë përjashtuar nga sistemi ndërkombëtar SWIFT, i cili ofron transaksione financiare dhe pagesa ndërmjet bankave në mbarë botën, ndaj dhe Moska kërkon të paguhet në rubla dhe jo euro ose dollarë.
Reagimi bullgar ka shkaktuar ankth të madh, sepse për momentin gazi rus vazhdon të mbërrijë në Evropë përmes Ukrainës, si dhe në funksionim është edhe gazsjellësi Nord Stream 1.
Megjithatë, presidenti serb Aleksandar Vuçiç, i cili është në mes të fushatës zgjedhore, me rastin e njoftimit të Bullgarisë për mbylljen e rubinetës tha se “është shumë i prekur nga lajmet”.
“Ky informacion më ra si rrufe në qiell, ka një problem – rusët nuk kanë para, rusët nuk kanë para, kur t’u marrësh të gjitha paratë dhe t’i çosh në falimentim, si do të paguajnë në dollarë? Pram, paguani me rubla se ndryshe jua mbyllëm tranzitin e gazit?”, pyet Vuçiç i shqetësuar.
Presidenti serb tha se do të ishte një fatkeqësi e vërtetë për Serbinë.
“Ne po luftojmë çdo ditë. Nëse na e ndërpresin nuk e di si do ta bëjmë,” tha Vuçiç.
“Kur bën diçka për vite, e bën sistemin më të mirë dhe më të suksesshëm dhe pastaj dikush e prish atë brenda një muaji, ti nuk di çfarë të bësh me veten”, tha Vuçiç në një tubim parazgjedhor. /tesheshi.com/
