Presidenti serb Aleksandar Vuçiç, gjatë një aktiviteti partiak të Partisë së tij Përparimtare Serbe – SNS, ka thënë se Serbia prej pesë vjetësh është përpjekur që ta zgjidhim çështjen e Kosovës në tryezën e bisedimeve, porse kjo nuk ka qenë e mundur.
Vuçiç ka fajësuar serbët, mentalitetin e tyre, si pengesë për ta rifituar Kosovën në një tjetër formë.
“Politika ime është që Serbia të fitojë sa shumë gjëra në Kosovë, por kjo politikë ka dështuar për shkak se serbët preferojnë të qajnë mbi diçka që ka qenë prej kohësh humbur se sa për të marrë diçka në kthim. Çdo gjë që mund të merrnim humbi për shkak të reagimeve në Serbi”, tha Vuçiç.
“Kam frikë se nuk do të kemi një shans të ri, por ne do të vazhdojmë të luftojmë për popullin tonë në Kosovë dhe Metohi”, tha Vuçiç.
Ai tha se shumë aktorë e Perëndimit nuk duan të ndërhyjë në çështjen e Serbisë e Kosovës dhe se kjo është është si pasojë e politikave të papërgjegjshme dhe katastrofike që u kanë paraprirë procesve. /tesheshi.com/
