Nga Mostari, Aleksandër Vuçiç i është kundërpërgjigjur egërsisht homologut të tij kosovar, Hashim Thaçi për mesazhet e tij militare nga Kosharja.
“Të lexosh fjalët e tij është e tmerrshme, pushkët e 1999-ës nuk janë asgjë përpara atij togfjalëshi urrejtje që heq çdo mundësi për dialog.
Si mundet të flasësh me një mendje të tillë të vrazhdë?
Nuk më shqetësojnë fare pushkët e ndryshkura të Thaçit, por planet e huaja që synojnë të shkatërrojnë Serbinë.
Dhe është e njëjta gjë që ka ndodhur 19 vjet më parë kur u hoq kufiri mes dy shteteve shqiptare.
Nuk ishte pushka groteske e Thaçit që na dëmtoi, por avionët e dikujt tjetër”, tha Vuçiç, duke sulmuar indirekt SHBA-në dhe vazhdoi:
“Ne duam paqe, duam lëvizje të lirë dhe tregti të lirë, kurse ata duan të na thonë çfarë duan. Nuk kam nevojë unë të tregoj sesa të fortë jemi, pasi ne forcën e tregojmë me vepra e jo me fjalë”, deklaroi presidenti serb.
Në përkujtimin e betejës së Koshares, atë që UÇK e konsideron si më heroiken e luftës, presidenti Thaçi deklaroi se do i përgjigjet Serbisë si atëherë, nëse vijon kërcënimet. /tesheshi.com/
