Presidenti serb Alakandar Vuçiç ka gjetur një shprehje interesante për ta përshkruar kryeministrin e dorëhequr të Kosovës, Ramush Haradinaj.
Ai e quajti atë “një xhentëlmen i vërtetë”, i cili kaloi pak kohë më Hagë sa për të parë si janë hotelet atje.
“Ai është një xhentëlmen i vërtetë”, tha Aleksandar Vuçiç për TV Prva. “Unë kam thënë se ai do të kaloj vetëm 24-48 orë atje, sa për të parë si janë kushtet e hotelit. Prandaj vendosi të kthehej natën, për ta bërë situatën më mbresëlënëse, për tu dukur si një hero i vërtetë”, përfundoi Vuçiç.
Ramush Haradinaj, i cili dha dorëheqjen të premten e kaluar nga posti i kryeministrit si rezultat i thirrjes nga Gjykata Speciale në Hagë, u nis të mërkurën, për t’u kthyer të enjten mbrëma në Prishtinë. /tesheshi.com/
