Presidenti serb Aleksandar Vuçiç, tha se dialogu me Kosovën do të rinisë vetëm kur Prishtina të ndalojë shkeljen e marrëveshjes së CEFTA-s; pra tërheqjen e vendimit për t’i tarifuar me 10 përqind produktet serbe, ku përfshihen dhe ato nga Bosnja.
“Nuk është shantazh, por nuk ka dialog me ata që i shkelin marrëveshjet”, tha Vuçiç pas një takim me kreun e Nea Demokratia, Kyriakos Mitsotakis.
Siç tha Vuçiç, “dialogu do të vazhdojë kur Prishtina ta kuptojë se duhet të të sillet e civilizuar në përputhje me rregullat që vetë i ka pranuar”
Ndërkohë, presidenti serb e ka konsideruar sit ë qëllimshme lënien në një vend inferior në Paris, në raport me Thaçin, gjatë një ceremonie në përkujtim të 100 vjetorit të përfundimit të Luftës së Parë Botërore.
“Dikush u kujdes për këtë.”
“Bashkëpunëtorët e mi më bindën se ishte një rend alfabetik dhe më pas kuptova se ishte një vendim politik”, tha Vuçiç. /tesheshi.com/
