Gjashtë policë të Kosovës u arrestuan dhe nëntë u pezulluan pasi polici Lirim Haxholli, 25 vjeç, u qëllua për vdekje në një festë private.
Ngjarja ka ndodhur të premten në fshatin Zlatar, afër Prishtinës, njoftoi Radio Televizioni i Kosovës.
“I dëmtuari në këtë rast (polici) është dërguar për mjekim dhe përkundër përpjekjeve të mjekut fatkeqësisht ka ndërruar jetë. Nga hetimet paraprake dyshohet se rasti ka ndodhur në një festë private ku kanë marrë pjesë 15 policë, të gjithë jashtë detyrës”, ka thënë Policia e Kosovës.
Të ndaluarve, nën dyshimin se ka kryer veprën penale të vrasjes, nga prokurori i është caktuar masa e ndalimit deri në 48 orë dhe largimi nga detyra.
Me dyshimin se kanë kryer veprat penale “shkaktim i rrezikut të përgjithshëm” dhe “përdorim i armës apo mjetit të rrezikshëm”, të pranishëm në festë kanë qenë edhe pesë punonjës policie, ndërsa për nëntë punonjës policie është propozuar masë pezullimi.
Policia e Kosovës po kryen hetime të mëtejshme për rastin. /tesheshi.com/
