Gati tre javë pas përgjakjes së qendrës së Lushnjës me dy të rinj të ekzekutuar në një përplasjeje tipike bandash, policia nuk ka arritur të kapë asnjë prej autorëve, të identifikuar lehtësisht si autorë të vrasjes së dyfishtë. Edhe pse në Lushnje ishte vetë ministri Xhafaj për “t’i tundur” strukturat, rezultati është zero.
Dhe kjo ka bërë që babai i një prej viktimave, Zamir Latifi, t’i përcjellë medias një mesazh me shpresën se ajo do të mbërrijë në veshët e qeverisë. Fatmir Latifi thotë se ka kërkuar takim si me Ramën ashtu dhe me Xhafajn, por një gjë e tillë i është pamundësuar.
Latifi pretendon si policia e prokuroria bashkë me të, po ndihmon autorët e krimit për t’u larguar nga Shqipëria. Por nga ana tjetër ai thotë se dhe “atentatorët kërkojnë t’i heqin familjaret e tyre nga Shqipëria që të jenë të lirë të veprojnë përsëri”.
A thotë gjithashtu se nuk ka ndërmend të hakmarret pasi çdo gjë ia ka lënë në dorë shtetit, porse sipas tij policia e prokuroria janë bërë njësh me krimin. /tesheshi.com/
