Krimi i 31 dhjetorit 2020, ai kur shtetasi shqiptar nga Maqedonia Përparim Ademi ekzekutoi dy motra në Tiranë, rezulton të jetë një melodramë, tipike për filma.
Para hetuesve dhe togave të zeza, vrasësi 59-vjeçar ka dhënë detaje gati të pabesueshme të raporteve që prej vitesh kishte me motrat Zhaneta Metani dhe Kristina Bardhi.
Nje lidhjejashtëmartesore e kishte nisur me këtë të dytën, 20 vite më parë, për t’u pasuar dhe me të parën pak me vonë, me të cilën ka thënë se ka një fëmijë por të paregjistruar në Gjendjen Civile.
Vetë ai, ishte i martuar dhe, e shoqja ka thënë se ishte në dijeni të raporteve të burrit me dy motrat, por që për hir të familjes e ka gëlltitur këtë fakt. Pos kësaj, i kishte bërë shoqe që të dyja.
Përparim Ademi ka rrëfyer dhe për udhëtimet që kishte bërë me motrat të cilave u morri jetën.
Ai tashmë rrezikon dënimin e përjetshëm. Si arsye e vrasjes, thuhet të ketë qëne xhelozia. Kjo pasi Ademi po nuhaste vendimin e motrave për t’u ndarë nga ai. /tesheshi.com/
