Miratimi i Marrëveshjes së Prespës nga ana edhe e parlamentit grek, ka sjellë urimin e kryeministrit Zaev në adresë të homologut Tcipras.
“Urime miku im Aleksis Tcipras, bashkë me popujt tonë shkruam historinë fitimtare. Qoftë e përjetshme Marrëveshja e Prespës, qofshin të përhershme paqja dhe progresi në Ballkan dhe Evropë”, shkruan Zaev në Facebook.
Marrëveshja për emrin Maqedonia e Veriut u miratua me 153 vota pro e 146 kundër, ndërkohë që 8 deputetë të parlamentit i janë bashkuar SYRIZA-s me votë ‘pro’.
Shkupi ishte në pritje të këitj votimi, pasi vetë e kishte përfunduar si mision ditë më parë. Të dy palët patën si “armiq” të marrëveshjes frymën nacionaliste, si në popull e si në politikë. Që të dy, si Zaev e si Tcipras, pas arritjes së kësaj marrëveshjeje që i jep fund ngërçit në raportet dypalëshe, mbajnë dhe damkën e “tradhëtarit” nga një pjesë, si e opinionit e si e politikës, në vendet respektive. /tesheshi.com/
