UNESCO votoi dje një rezolutë që hedh poshtë çfarëdo lidhjeje hebreje me xhaminë el-Aksa dhe murin (perëndimor) el-Burak në Jerusalemin e pushtuar.
Njëzet e katër shtetet anëtare votuan në favor të rezolutës, gjashtë u shprehën kundër, dhe 26 abstenuan.
Propozimi u paraqit nga Egjipti, Algjeria, Maroku, Libani, Omani, Katari, Sudani dhe palestinezët.
Duke theksuar se qyteti i Jerusalemit është i shenjtë për të tre fetë monoteiste, për Judaizmin, Krishterimin dhe Islamin, rezoluta thotë se el-Aksa dhe oborret e saj janë të shenjta vetëm për muslimanët.
Diplomatët izraelitë kanë bërë përpjekje gjatë javëve të fundit që t’i bindin shtetet anëtare të UNESCO-s për të dalë kundër, ose, të paktën, për të abstenuar, gjatë votimit.
Pas votimit, Ministria e Punëve të Jashtme e Izraelit publikoi një video në Facebook, duke vënë në pikëpyetje kuptimin e çështjeve fetare nga ana e UNESCO-s. /tesheshi.com/
