Hyn e kënaqur në parkun e lojërave dhe u tregon me krenari shokëve “këmbën” e saj të re. Atë që më në fund do e lejojë që të vrapojë dhe luajë si gjithë fëmijët e tjerë.
Videoja prekëse u publikua në Twitter nga ‘Bbc Midlands Today’, ku filmohen momentet e gëzimit të Anu, 7- vjeçares angleze nga Birmingham, me protezë në këmbën e djathtë, të cilën nuk e ka që nga lindja.
Në pamje shihet se si bashkëmoshatarët e saj i afrohen dhe duan ta prekin protezën e re, me të cilën vogëlushja shihet se si vrapon bashkë me të.
Ky është momenti kur Anu i thotë “lamtumirë dallimeve”. Ndërkohë që proteza që ka mbajtur më parë, nuk e mundësonte të bënte aktivitete sportive, duke u distancuar nga shokët. Por tashmë për të nis një jetë e re, ku mund të vrapojë, kërcejë dhe të luajë lirisht./tesheshi.com/
