Vlora është zgjuar me ngjarjen e rëndë të vdekjes së nënë e bir në një banesë, pas shpërthimit të beftë të flakëve teksa kanë qenë duke fjetur.
Ngjarja ka ndodhur në lagjen “1 Maji”, aty ku jeton një komunitet korçarësh të ardhur në Vlorë dhe viktimat janë pikërisht nga ky komunitet, Selkie Hoxhallari, 70 vjeçe dhe djali i saj, Olsi Hoxhallari, 45 vjeç. Paraprakisht mendohet se shkak i zjarrit ka qenë rrjedhja e gazit nga bombola që më pas ka rënë në kontakt me sobën e ndezur me dru.
Por tragjedia do kish qenë akoma më e madhe nëse ne banesë do ishin nusja dhe djali i vogël i 45-vjeçarit. Kanë qenë pikërisht të qarat e fëmijës së vogël në mbrëmje, që kanë detyruar nënë e bir të dalin tek një banesë ngjitur më e re se ajo ku ka ndodhur tragjedia. Tek kjo e fundit, familja qëndronte vetëm për të gatuar e ngrohur. /tesheshi.com/
