Ish-kancelarja gjermane Angela Merkel do të nderohet me Kryqin e Madh të Urdhrit të Meritës, dallimi më i lartë në nivel federal, njoftoi zëdhënësi i kancelarit Frank-Walter Steinmeier, duke konfirmuar një raport të revistës gjermane Stern.
Deri më sot, vetëm ish-kancelarët Konrad Adenauer dhe Helmut Kohl janë nderuar me këtë çmim. Të tre politikanët vijnë nga Unioni Konservator Demokristian (CDU).
Kryqi i Madh i Urdhrit të Meritës do t’i jepet Angela Merkelit në prill, njoftoi kancelaria.
Angela Merkel shërbeu si kancelare e Gjermanisë nga viti 2005 deri në vitin 2021. Sipas Stern, në ceremoninë e ndarjes së çmimeve do të marrin pjesë anëtarë të familjes së Merkelit, si dhe ish-bashkëpunëtorë. Ndër të tjera, janë ftuar ish-ministrat demokristiane, Thomas de Maiziere dhe Peter Altmaier, si dhe Franz Midtfering, zëvendëskancelari i parë i Merkelit nga Partia Social Demokrate (SPD).
Askush nga lidershipi aktual i CDU-së, simotra Unioni Kristian Social i Bavarisë (CSU) apo Partia Liberale (FDP) nuk është në listën e të ftuarve, nënvizon revista gjermane Stern.
Në ceremoninë e ndarjes së çmimeve pritet të marrin pjesë edhe ish-futbollisti dhe trajneri i kombëtares Jurgen Klinsmann dhe aktori Ulrich Mattes. /tesheshi.com/
