Kosova dhe Mali i Zi nënshkruan marrëveshjen për demarkacionin e kufirit, në Vjenë. Nënshkrimi i pritshëm u njoftua nga këshilltari i ministrit të Jashtëm, Ardian Arifaj.
Hashim Thaçi dhe Skënder Hyseni kanë vendosur firmat në dokumentin që përcakton kufirin e Kosovës me fqinjin perëndimor. Kjo çështje ka nxitur debate e përplasje mes pozitës e opozitës në Kosovë, ndërsa Ramush Haradinaj me anë të një letre publike kërkoi hedhjen poshtë të saj.
Zyrtarët opozitarë, të mbështetur edhe nga banorët e fshatrave kufitare me Malin e Zi, thonë se marrëveshja i jep Malit të Zi 12 mijë hektarë tokë. Por, Qeveria pretendon se demarkacioni nuk i heq asnjë centimetër katror territorit të Kosovës.
Demarkacioni është edhe një nga kriteret e BE-së për nënshkrimin e marrëveshjes së Stabilizim-Asocimit. Ditën e sotme, ka pasur protesta në Pejë kundër demarkacionit actual të kufirit me Malin e Zi. /tesheshi.com/
