Ka ardhur dhe rebelimi i parë ndaj vettingut, procesit që po trondit ngrehinën mbi 25-vjeçare të drejtësisë shqiptare, e akuzuar si e korruptuar dhe e kalbur.
Është Rovena Gashi, ish-një ndër të njerëzit më të afërt të ish-kryeprokurorit Llalla, e shkarkuar nga detyra së bashku me bashkëshortin e saj, ish-kreun e Prokurorisë së Elbasanit, Dritan Gina.
Znj. Gashi nuk ka pranuar të paraqitet në seancën e dëgjesës në Komisionin e Pavarur të Kualifikimit, si gjithë kolegët e saj deri më tani, me pretendimin se vendimi për të është marrë muaj më parë.
“Procesi i rivlerësimit të subjektit Rovena Gashi ishte i papagjykuar dhe se vendimmarrja në lidhje me të ishte e paracaktuar, e ku, të gjithë janë dëshmitarë të kësaj dhe faktet e ndodhura e kanë vërtetuar një gjë të tillë”, është një nga ankesat e znj. Gashi, pjesë e një deklarate prej 27 faqesh, ku sipas saj ndodhen të gjitha shkeljet e KPK-së. Por kjo e fundit ka vijuar seancën, edhe në mungesë të znj, Gashi, me bindjen se ka ndjekur çdo procedurë. /tesheshi.com/
