Gjykata e Posaçme Antikorrupsion ka lënë në burg Jamarbër Malltezin, dhëndërin e Berishës, si dhe detyrim paraqitje për Fatmir Bektashin, një biznesmen, ortak me Malltezin në investimet në ndërtim te ish-klubi “Partizani”.
Avokatët e Malltezit, Antoneta Sevdari dhe Klodian Skënderi kanë kërkuar në gjykatë revokimin e masës së sigurisë pasi sipas tyre, SPAK ka bërë një interpretim të gabuar të provave, pasi ndryshimi i akteve nënligjore që kanë ndodhur nga qeveria në atë kohë nuk kanë ndodhur për të favorizuar Jamarbër Malltezin, por një sërë ish-pronarësh dhe jo vetëm të ish-kompleksit Partizani, por dhe pretendues të tjerë të pronave të ndryshme në territorin e Shqipërisë.
Por kjo kërkesë nuk është marrë parasysh nga ana e gjyqtares Irena Gjoka, e cila ka lënë në fuqi vendimin e marrë disa ditë më parë, arrest me burg për Jamarbër Malltezin, ndërkohë që biznesmeni Fatmir Bektashi nuk ka pranuar të flasë për mediat megjithëse u pyet pasi doli nga seanca.
Çështjen e bën të ndjeshme pikërisht fakti se për herë të parë në më shumë se tre dekada, drejtësia po guxon t’i afrohet familjes Berisha, si dhe vetë këtij të fundit, pasi njeriu që vijon të jetë aktiv në politikë duke udhëhequr jetën opozitare, edhe si është detyrim paraqitjeje në SPAK.
Nuk dihet ende nëse Berisha do shkojë aty ku e thërrasin, për hetime, pasi deri më tani ka injoruar çdo ftesë për t’u përgjigjur në hetuesi në raste të tjera. /tesheshi.com/
