Nga Blendi Gashi
Pakkush mund ta ketë menduar se vizita e nënkryetarit të Parlamentit Evropian, Rainer Wieland në qytetin e Drenasit (ku u shpall “Qytetar Nderi”) do të nxente gjakrat mes pushtetit të këtushëm dhe opozitarëve e jo vetëm.
Sigurisht, aryeja nuk është takimi me kryetarin Ramiz Lladrovci, dhe pse u nderuar nga ai, por vizita që diplomati europian i bëri kishës katolike të “Shën Abrahamit” në fshatin Llapushnik e jo edhe ndonjë xhamie, kur dihet se mbi 99% e qytetarëve të kësaj komune janë të komunitetit musliman, ku me apo pa fajin e tij nuk dha shembulli i tolerancës fetare.
Opozitarët por jo vetëm, fajin për axhendën e nënkryetarit të PE-së ja hedhin direkt kabinetit të kreut të komunës. Imami i Xhamisë së Drenasit, Mulla Osman Musliu në reagimin e tij ka ironizuar jo pak me kryetarin Ramiz Lladrovci.
“Mos shihni kusur, populli i Drenasit 99.9% besimit islam, sepse ‘kryetarin’ e kemi ‘laik/sekular’ e nuk ka bërë me vizitu mysafiri ndonjë xhami, se me vizitu xhaminë e prish laicitetin/sekularizimin, ndërsa në Llapushnik nuk prishet laiciteti/sekularizmi apo…..!!!!!!?????”, shkruan Mulla Osmani në Facebook.
Opozita: agjenda u bë nga stafi i kryetarit…
Për çështjen në fjalë ka reaguar edhe lideri i NISMA-s për Kosovën në Drenas, Isa Xhemajlaj i cili ka deklaruar se protokolli është bërë Komuna për vizitën e mysafirit në Kishën e Llapushnikut, për çka e quan të gabuar sepse në këtë formë thotë se u anashkalua komunitetin musliman.
“Jo rrallë herë është thënë se populli shqiptarë është një ndër popujt që është dalluar ndër shekuj pēr tolerancë fetare dhe kjo është një e vërtetë e pa kontestueshme dhe është një vlerë e shoqërisë tonë. Prandaj kemi obligim që këto vlera të barazisë fetare ti paraqesim ashtu siq janë edhe para miqve tanë në mënyrën reale.Kjo nuk është hera e parë që Komuna dhe kryetari i Drenasit bëjnë gabime të tilla të cilat gjithsesi nxisin polemika dhe reagime nga komuniteti musliman”, shkruan Xhemajlaj në Facebook.
Edhe Xhavit Drenori, kryetari i “Vizioni për Drenasin” fajëson kryetarin Lladrovci për çka thotë se ai e ka bërë agjendën e nënkryetarit të PE-së.
“Nuk besoj që z. Wieland do të refuzonte të vizitonte edhe kryetarin e BIK në Drenas, z. Valon Bequku për të bashkbiseduar për harmoninë ndërfetare, sado që në Drenas shumica absolute e qytetarëve i takojnë besimit islam. Madje vizita e z. Ëieland vetëm në Kishen e Llapushnikut që ju shërben dy-tri familjeve që zyrtarisht janë deklaruar si të krishterë, unë e shoh edhe si tendencë për t‘i paraqitur kominitetin e krishterë në Drenas si ‘viktimë’ e jo si qytetarë të barabartë me shumicen tjetër. E në realitet toleranca dhe bashkjetesa ndërmjet shumicës absolute të besimit islam dhe pakicës së krishterë as që vihet në diskutim në Komunën tonë. Mëkatët e së kaluares, kryetari apo dikush tjetër nga vendimmarrësit në Drenas nuk mund t‘i pastrojnë duke u bërë ‘më Papë se Papa’. As Xhamia e as Kisha nuk besoj që e dojnë ‘besimtarin’ që pa mbulesë posedon pasuri marramendëse”, shkruan Drenori në Facebook.
Ka reaguar edhe asamblisti nga radhët e “Iniciativës Qytetare për Drenasin”, Petrit Gashi i cili nëpërmjet një postimi në Facebook ka kritikuar ashpër kryetarin Lladrovci.
“I ka injoru 99.99 % të qytetarev të vet dhe prap bënë presion për me e mbulu injorancën e tij. Kryetar pavarsisht veprimeve tuaja nuk e ki njet me na prish harmonin me vëllezerit tonë, por në vend të presionit ndaj mediave kërko falje ndaj qytetarëve”, thotë Gashi.
Krahas partive politike ka reaguar edhe profesori i Univeristetit të Prishtinës “Hasan Prishtina”, Gëzim Qerimi i cili ka pyetur: “a po fillojnë kryqëzatat ku në foto shihet Kryetari Lladrovci në Kishën katolike në Llapushnik”?.
“E dimë 100% se kisha e Llapushnikut është kishë politike dhe nuk është kishë për qëllime fetare”, shkruan ai në Facebook.
Ndaj këtyre reagimeve të opozitarëve dhe Mulla Osmanit ka raguar kryekomunari Ramiz Lladrovci i cili e ka quajtur rrenc, duke thënë se pas tij vrapuan më pas opozita.
Kujtojmë se ndërtimi i kishës në Llapushik më 2016 ngjalli jo pak mospajtime për shkak të ndarjes së parcelës, ku nismëtarët e këtij objekti u quajtën më shumë kontrabandues të fesë se sa fetar të mirëfilltë. /tesheshi.com/
