Drejtori i CIA-s, William Burns, vizitoi së fundmi Ukrainën, ku u takua me zyrtarë të inteligjencës dhe presidentin Volodymyr Zelensky, konfirmoi një zyrtar amerikan për AFP të premten.
Udhëtimi, për të cilin nuk kishte asnjë njoftim, u zhvillua ndërsa forcat ukrainase vazhdojnë kundërofensivës në pjesët lindore dhe jugore të vendit.
Me atë rast, Burns përsëriti “angazhimin e SHBA-së për të ndarë informacionin për të ndihmuar Ukrainën të mbrohet kundër agresionit rus“, tha zyrtari, i cili foli në kushte anonimiteti.
Sipas Washington Post, i pari që raportoi për udhëtimin, zyrtarët ukrainas i paraqitën Burns plane për të rimarrë territorin e pushtuar nga forcat ruse dhe për të filluar negociatat për armëpushim deri në fund të vitit.
Gazeta shtoi se udhëtimi u zhvillua në qershor.
Siç theksoi zyrtari amerikan, Burns “udhëtoi në Ukrainë, siç ka bërë rregullisht që nga fillimi i ofensivës së fundit të Rusisë më shumë se një vit më parë”.
Përveç kësaj, udhëtimi u zhvillua para rebelimit të dështuar të organizatës mercenare Wagner fundjavën e kaluar, shtoi ai.
Ndërkohë, SHBA-të janë përpjekur t’i bëjnë të qartë Rusisë se nuk ka pasur asnjë përfshirje në rebelim.
Mediat amerikane raportuan dje se Burns foli në telefon me kreun e shërbimit të inteligjencës së jashtme të Rusisë (SVR), Sergei Naryskin, për ta siguruar atë se SHBA nuk ishte e përfshirë në incident. /tesheshi.com/
