30 sekonda janë dashur për të shpërndarë 10 mijë biletat për meshën e papa Franceskut në Filadelfia, e cila pritet të mbahet këtë muaj, ndërsa ai viziton për herë të parë Shtetet e Bashkuara. Amerikanë duken të entuziazmuar nga kjo vizitë.
Biletata nisën të shpërndahen në orën 8 të mbrëmjes dhe njerëzit nuk mund tëmerrnin më shumë se katër të tilla.
Por, edhe me këtë kufizim, sipas autoriteteve, biletat për meshën e 27 Shtatorit u mbaruan për 30 sekonda.
Biletat ishin gratis, por kjo nuk i pengoi njerëzit të përpiqeshin për shitjen e tyre, pasi brenda dy orësh një pjesë e biletave kishin dalë në eBay, ku kishte pasur që herët kërkesa për të siguruar një biletë për shuma nga 10 deri në 450 dollarë.
Një sjellje e tillë kapitaliste duket në kundërshtim me qëndrimet e papës kundër dëshirimit pa limit të parasë që ai e cilësoi mbetje djallëzore ndërsa zhvillonte turin në Amerikën e Jugut, këtë korrik.
Por, kjo kundërshti nuk është shembulli i vetëm që shoqëron turin e shumëpritur të papës në Amerikë.
Disa qindra njerëz këtë muaj u përpoqën të sheshin në eBay bileta treni për në Filadelfia, në kohën e vizitës së papës, për 40 dollarë, apo katër herë më shumë se vlera e tyre.
Ndërsa shumë të tjerë kanë nxjerrë në ofertë shtëpitë e tyre për t’i dhënë me qira gjatë vizitës së papës, ku një apartment me dy dhoma shkon deri në 7 mijë dollarë nata. /tesheshi.com/
