Jordan, një vajzë angleze 11 vjeçare ka realizuar një kartolinë të veçantë për festat e fundvitit. Letra me urimin do të shitet dhe shuma e mbledhur prej saj do të shkojë për bamirësi në shtëpinë e shërimit të sëmundjeve, ku motra e saj binjake, Jamie-Leigh, tepër e sëmurë, ndjek terapitë për tu lehtësuar sado pak.
Ngjarja ka ndodhur në Sheffield të Mbretërisë së Bashkuar. Siç raporton Mirror, 32 vjeçarja Sarah, e cila është nëna e dy binjakeve, gjatë shtatzënisë nuk e kishte idenë se një prej vajzave të saj ishte e sëmurë rëndë. “Ëndërroja t’i vishja njësoj dhe që ato të luanin bashkë. Në fakt, Jamie-Leigh lindi me një sërë problemesh që ia komplikojnë jetën çdo ditë e më shumë”,- rrëfen mamaja e binjakeve.
Mirëpo, paaftësia e të voglës nuk e ka kompromentuar lidhjen e veçantë mes dy motrave. “Jam shumë krenare me sjelljen e Jordan. Është e vetmja që arrin gjithmonë t’i kuptojë nevojat e Jamie-Leigh”,- vijon Sarah, e cila është nënë edhe e dy fëmijëve të tjerë, veç binjakeve.
Pikërisht prej raportit të veçantë që ka me të motrën, Jordan vendosi të pikturojë një kartolinë për të ndihmuar Bluebell Wood Hospice, ku Jamie-Leigh kalon 10 netë në vit për t’u qetësuar./tesheshi.com/
