Ditët e fundit po bën xhiron e rrjeteve sociale një video prekëse, pothuajse zemërthyese, e cila tregon fuqinë e dashurisë dhe dhimbjen e heshtur të ndarjes.
Videoja virale, e cila vështirë se mund të lërë askënd pa prekur, tregon një të ri nga Argjentina duke i thënë lamtumirën gjyshes së tij, duke i njoftuar asaj se ka vendosur të largohet nga vendi dhe të shkojë për të punuar në Spanjë, duke kërkuar një fat më të mirë. Pra, si me të rinjtë e shumtë që largohen nga Shqipëria, duke lënë vetëm prindërit apo dhe gjyshërit.
"I will miss you"…. Touching moment as young Argentine man bids farewell to his grandmother in years, after decision to leave his country and family in hopes of building a new life in Spain 😢🇦🇷🇪🇸
© viralhog pic.twitter.com/Zx3j6eFZUc
— Sarahh (@Sarahhuniverse) April 17, 2025
“Po iki të dielën për disa muaj për të punuar, për të bërë para”, i thotë i riu të moshuarës dhe i kërkon që ta presë. “Nëse Zoti më jep jetën, shpresoj të të shoh përsëri,” përgjigjet ajo dhe nipi i saj përkulet dhe e puth me dashuri në ballë.
“Do të më mungosh”, i thotë ajo duke qarë, ndërsa me butësi e prek faqen dhe e mban fort dorën, sikur nuk donte ta linte të largohej nga ana e saj. “Të gjithë do të kujdesen për ty”, i premton dhe gjyshja e pyet: “Kush? Vetëm ju kujdesuni për mua.”
“Do të kthehem”, i premton ai, duke i kërkuar sërish që ta presë. Ai i kërkon t’i premtojë se do të jetë aty kur të kthehet nga Spanja, por gjyshja e prek dhe e puth, pa iu përgjigjur. Pastaj, edhe ai loton dhe e përqafon – ndoshta për herë të fundit.
Videoja në fjalë tashmë ka mbledhur miliona shikime në TikTok, Instagram dhe Twitter, duke vënë në pah në mënyrën më të thjeshtë dhe njëkohësisht prekëse vlerën e familjes dhe nevojën që njerëzit të jenë bashkë. /tesheshi.com/
