Vikari i Katedrales Notre Dame tha të mërkurën se monumenti i famshëm i Parisit, është aq i brishtë sa ekziston një “shans 50-50 përqind”, sa nuk do të shpëtojë plotësisht, sepse skelat e ngritura para zjarrit të rënë në prill, kërcënojnë kullat e monumentit gotik.
Imzot Patrick Chauvet tha se puna e restaurimit nuk ka gjasa të fillojë deri në vitin 2021, duke përshkruar faktin se për herë të parë që nga Revolucioni Francez ai nuk mund të drejtonte një meshë Krishtlindjeje në katedralen e famshme.
“Sot katedralja nuk është jashtë rrezikut. Do të jetë jashtë rrezikut kur të heqim skelat e mbetura. Sot mund të them që mund të ketë një shans prej 50 përqind që të shpëtohet”, tha Chauvet.
Ndërkohë, Kryepeshkopi i Parisit Michel Aupetit, kreu një meshë tradicionale të Krishtëlindjes për afro 2.500 besimtarë nën një tendë cirku në vend të Notre Dame.
Katedralja e shekullit të 12-të në kryeqytetin francez ishte duke kaluar në rinovim në kohën e zjarrit në prill, e cila shkatërroi çatinë e saj dhe bëri që kullat të saj të prisheshin.
Një nga detyrat më të vështira do të jetë heqja e skelave të mbetura.
Rinovimi ka të ngjarë të zgjasë me vite, paccka premtimit të presidentit Macron se se do të jetë gati deri në vitin 2024. /tesheshi.com/
