Faqe të huaja janë përherë e më shumë duke promovuar bukuritë e vendit tonë. Këtë herë, ata që e promovojnë Shqipërinë janë drejtuesit e faqes në rrjet ‘lazypenguins.com’, një faqe interneti e cila dallohet për aspektin e saj kulturor dhe që ka mijëra ndjekës nga e gjithë bota.
Në një artikull të veçantë kushtuar Shqipërisë, në të shkruhet: “Shqipëria është një vend me një histori mjaft madhështore, edhe pse shumë udhëtarë mund të mos dinë shumë gjëra për këtë vend”.
Stafi i ‘lazypenguins.com’ siguron audiencën e saj se Shqipëria është një destinacion shumë i mirë turistik për të gjithë llojet e udhëtarëve dhe turistëve.
“E ndodhur në Mesdhe, Shqipëria është një pjesë e Ballkanit, sa e ngrohtë dhe e thatë gjatë verës, aq edhe e ftohtë dhe e lagësht në dimër. Çfarë tjetër dëshironi nga jeta? Ky vend është i përsosur për tu vizituar gjatë 12 muajve të vitit”,- shkruan ‘lazypenguin.com’.
Më tej ajo poston 10 fotografi të vendit tonë, të cilat i cilëson si ‘të dala nga përrallat’ (vende magjike). /tesheshi.com/
