Yahoo ka publikuar aplikacionin “Yahoo Account Key”, që lejon përdoruesit të regjistrohen në aplikacion pa përdorur një fjalëkalim.
Aplikacioni ju dërgon një mesazh tek telefoni inteligjent që është i lidhur me llogarinë. Në mesazh shkruhet nëse doni të pranoni apo injoroni kërkesën për t’u regjistruar tek llogaria.
Kjo veçori e re ofrohet për abonentët e Yahoo Mail, dhe nëse ju ka humbur telefoni ose jua kanë vjedhur, atëherë mund të përdorni një adresë tjetër elektronike për t’u regjistruar.
Yahoo ka bërë disa ndryshime edhe tek aplikacioni i saj Mail, duke përfshirë këtu mbështetjen për llogaritë e email-eve të palëve të treta./tesheshi.com/
