Ky është rasti i nëntë i dhunës policore në Shtetet e Bashkuara të Amerikës. Në qendër të sulmit të radhës është vënë një komunitet në Craig Ranch North, pranë Las Vegasit në Teksas. Policia, e cila është thirrur pas paraqitjes së disa të rinjve të paftuar në një festë në pishinë, sapo ka mbërritur, ka realizuar një sulm të vërtetë mbi disa adoleshentë me ngjyrë.
Një djalosh i bardhë, i pranishëm në vendngjarje, ka mundur të filmojë sjelljen agresive të policëve. “Për ta vajza me ngjyrë zëre se nuk ekzistonte dhe nuk e shihnin”,- tregon i riu.
Agjentët, pasi kanë kërcënuar të rinjtë me pistoletën në dorë, i kanë ulur në tokë, me fytyrën nga dheu e u kanë vënë prangat. Akti maksimal i dhunës është ushtruar ndaj një vajze 14-vjeçare. Një nga policët e ka shtrirë atë në tokë, më pas i ka hapur këmbët, në mënyrë që ta neutralizojë dhe i ka vendosur prangat, pa qenë e nevojshme për nj sulm të tillë.
Falë filmimit të realizuar nga i riu i bardhë, agjenti është pezulluar nga detyra dhe ndaj tij ka nisur një hetim nga ana e departamentit të policisë. Ngelen për tu parë se cilat do të jenë përfundimet e hetimit. /tesheshi.com/
