Dihet se është shumë e vështirë të bësh përgjithësime, e për më tepër nëse është në rast global. I tillë është edhe rasti i zgjedhjes së veturës më të shëmtuar në botë. Si e tillë është zgjedhur vetura Hoffmann e prodhuar në vitin 1951.
Ky model nuk ka qenë pjesë e përzgjedhjeve të mëhershme të veturës më të keqe në botë për shkak se kurrë nuk ishte futur në prodhim serik. Sipas eub-faqes “Microcarmuseum”, kjo veturë unike ishte prodhuar në mes të viteve 1949-1951 nga gjermani M. Hoffmann. Ajo ka tri rrota, ku rrota e pasme është dhe rrotë drejtuese e makinës.
Kjo veturë është e pajisur me motor një-cilindërsh me kapacitet 200 ccm, që prodhon 6,5 KF, me të cilin mund të arrijë shpejtësinë prej 45 km/h. Mjaftueshëm, sepse një shpejtësi më e madhe nuk do të ishte e sigurt për ngasësin e saj./tesheshi.com/
