Një ngjarje sa e veçantë aq edhe e rrallë ka ndodhur në fluturimin me avion nga Bali në Los Angeles. Një grua kineze ka nisur të ketë kontraksionet e lindjes ndërsa avioni ishte duke fluturuar në 9 mijë metra lartësi. Fëmija nuk ka arritur të presë më gjatë dhe ka vendosur të vijë në jetë në atë moment të udhëtimit.
Për fat të mirë, në bordin avionit ndodhej edhe një mjek, i cili ka arritur të nisë dhe të përfundojë me sukses ardhjen e fëmijës në jetë, i ndihmuar nga stjuardesat, të cilat, për disa orë u kthyen në mami dhe infermiere. Fëmija e gjinisë femër erdhi në jetë në gjendje shumë të mira shëndetësore, e megjithatë, avionit iu desh të bënte ulje urgjente në Alaskë për të lejuar që e vogla dhe e ëma të merrnin kurat e nevojshme mjekësore./tesheshi.com/
