LSI ka dalë sot në një konferencë shtypi kundër ndryshimeve në Kodin Zgjedhor që mund të kryhen papritur nga PS-PD.
Pas një takimi të nënkryetarit të LSI-së Petrit Vasili dhe sekretarit të përgjithshëm Luan Rama me kreun e misionit vëzjgues të OSBE-ODIHR-it, krerët e LSI-së kanë kërkuar që ndryshimet në kod të mos bëhen në minutën e fundit.
“Ne mbështesim idenë e fillimit të menjëhershëm të punës për të gjitha probematikat që kërkojnë ndreqje, përmirësim, qoftë kuadri legjislativ, rregullator dhe sistemit të administrimit të zgjedhjeve para, gjatë dhe pas procesit zgjedhor. Lidhur me këtë çështje ne kemi propozuar jo vetëm krijimin e punës po dhe vendosjen e afateve të qarta se ku duhen realizuar këto ndryshime, për t’i dhënë fund njëherë e përgjithmonë ndryshimeve të minutës së fundit që si të tilla nuk mund të reflektohen në cilësinë e procesit zgjedhor dhe na bën të riciklojmë e përsërisim të njëjtat problematika negative”, u shpreh sekretari i përgjithshëm i LSI-së, Petrit Vasili.
“Duhet të heqim dorë nga praktika shqiptare e reflektimit apo ndërhyrjeve në momentin e fundit. Veprimi nën kushte emergjence, shmangia nga thelbi i këtyre rekomandimeve do të prodhojë të njëjtat probleme. Ne instituam në takim që është shumë e rëndësishme të nisë puna menjëherë, paralelisht me reformat e tjera, që dekriminalizimi dhe reforma në drejtësi të mos e sfumojë vëmendjen sepse në fund të fundit zgjedhjet janë bazamenti mbi të cilat ndërtohen të gjitha institucionet demokratike”, tha deputeti i LSI-së, Luan Rama. /tesheshi.com/
