Një video në të cilën shihet presidenti amerikan Joe Biden teksa i afrohet një të reje pas përfundimit të një eventi në Kaliforni dhe i jep këshilla dashurie, ka shkaktuar shumë diskutime orët e fundit në SHBA.
Në videon e regjistruar nga gazetari Cullen D’Almeida, Biden shihet teksa i afrohet një cupëline që donte të fotografohej me të, duke i vendosur dorën mbi supe dhe duke i thënë:
“Dëgjoni një gjë shumë të rëndësishme që u kam thënë vajzave dhe mbesave të mia: Asnjë lidhje serioze deri në moshën 30-vjeçare”.
E habitur nga fakti që presidenti i Shteteve të Bashkuara të Amerikës i kishte thënë një gjë të tillë, vajza dukshëm e turpëruar u përgjigj: “Ok, do ta kem parasysh”.
President Joe Biden grabs a young girl by the shoulder and tells her “no serious guys till your 30” as she looks back appearing uncomfortable, secret service appears to try to stop me from filming it after Biden spoke @ Irvine Valley Community College | @TPUSA @FrontlinesShow pic.twitter.com/BemRybWdBI
— Kalen D’Almeida (@fromkalen) October 15, 2022
Gazetari që ka regjistruar videon pretendon në fakt se persona të shërbimeve sekrete amerikane kanë tentuar ta ndalojnë.
Joe Biden i mërzitur
Megjithatë, kjo sjellje e Joe Biden nuk është e paprecedentë për presidentin aktual të SHBA-së pasi ai është regjistruar disa herë në të kaluarën në momente të ngjashme me të rejat që e quanin në media “Joe rrëqethës”.
Vetëm marsin e kaluar, Biden u dha saktësisht të njëjtat këshilla për marrëdhëniet vajzave 8-vjeçare të shkollës fillore në Filadelfia, duke shkaktuar buzëqeshje të sikletshme në atë kohë.
Në maj 2020, Joe Biden pati një puthje në buzët e mbesës së tij gjatë një mitingu të fushatës në Iowa.
Një vit më vonë, në maj 2021, media amerikane regjistroi Biden duke bërë komente lajkatare për një fëmijë 8-vjeçar gjatë një fjalimi në një bazë ushtarake në Virxhinia. “I dua flokët e tu. Shikojeni që duket si një 19-vjeçare e ulur si një zonjë e vogël me këmbët e kryqëzuara”, u dëgjua duke thënë Biden.
Joe Biden looks at a little girl in the audience, the daughter of a veteran, and says "I love those barrettes in your hair. Man I’ll tell you what, look at her she looks like she's 19 years old sitting there like a little lady with her legs crossed." pic.twitter.com/DbH8ihG2Mj
— The Post Millennial (@TPostMillennial) May 28, 2021
Në janar të vitit 2015, Biden, nga pozicioni i Zëvendës Presidentit të Shteteve të Bashkuara në atë kohë, puthi në kokë mbesën e Mitch McConnell-it, ndërsa ai po betohej si udhëheqës i shumicës së Senatit, ndërsa në shkurt 2015, ai u regjistrua duke prekur në mënyrë të pashpjegueshme gruan e Sekretarit të Mbrojtjes të atëhershëm Ashton Carter, duke pretenduar se ishte “një moment mes miqve të mirë”. /tesheshi.com/
