Qeveria amerikane ka financuar sistemin elektronik të listës së zgjedhësve dhe të qendrave të votimit.
Nëpërmjet USAID-it, që është Agjencia e Departamentit të Shtetit për të ndihmuar vendet e tjera, me anë të një postimi në Facebook tregohet edhe një qëndrim i administratës amerikane: zgjedhjet janë më 18 qershor.
“A e ke emrin në Listën e Zgjedhësve? A e di se ku do të votosh më 18 qershor 2017?
Shmang çdo të papritur, mos e lër për ditën e fundit! Kontrollo tani listën online, sigurohu që ke emrin në listë, sigurohu që voton!
TI ZGJEDH TI VOTON!”, thuhet në postimin e bërë në faqen zyrtare të USAID-it, ku publikohet videoja në lidhje me përgatitjet e 18 qershorit.
Opozita ka kërkuar shtyrjen e zgjedhjeve dhe bërjen e tyre në vjeshtë. Të njëjtën gjë e ka nënkuptuar edhe LSI-ja, por që nuk është pranuar nga PS-ja.
Në fund të videos së shpërndarë nga USAID-it shihet një dorë me një vulë që siglon pikërisht tek data 18 qershor, çka tregon se të paktën USAID-i, që është një institucion i komanduar nga kreu i DASH-it, nuk ka dilema. /tesheshi.com/
