Pas më shumë se 20 orësh nën rrënoja, 25 vjeçari nga Durrësi Klajdi Qato është nxjerrë nga rrënojat e një pallati në Thumanë. I riu ka shpëtuar pa lëndime serioze.
Ai u dërgua për në spital që të marrë ndihmën e duhur mjekësore. Operacioni u zhvillua nga bashkëpunimi mes ekipeve shqiptare dhe greke të kërkim shpëtimit.
Videoja e publikuar në rrjete sociale shfaq djalin e mbështjellë me batanije dhe dëgjohen zëra ku ekipet e shpëtimit bëjnë thirrje për ta lajmëruar ambulancën.
Në video nuk fshihet gëzimi i ekipeve që kishin arritur ta nxirrnin nga aty pas një kohe të gjatë bllokimi.
Operacionet e kërkim shpëtimit po vazhdojnë, megjithatë, koha e artë e shpëtimit, që llogaritet të jetë në 12 orët e para, tashmë ka kaluar. /tesheshi.com/
