Kryeministri Edi Rama është shfaqur së fundi me një kredo atdhedashëse, duke u fokusuar te figura e Skënderbeut.
Një ditë më parë, ai do shfaqej krah mikut të tij Aurel Plasari në promovimin e një libri të ri të këtij të fundit për Skënderbeun.
Rama bën të ditur se duke nisur nga java e ardhshme, çdo të hënë në të gjitha shkollat e vendit, para nisjes së procesit mësimor do të këndohet Himni i Flamurit.
“Dhe me Himnin e Flamurit që këndohet nga të gjithë nxënësit e shkollave sot, në ditën e 555-vjetorit të vdekjes së Heroit tonë Kombëtar, Gjergj Kastrioti SKËNDERBEUT, si edhe me vendimin që kështu do të këndohet himni në çdo shkollë, në krye të çdo jave të re mësimore, ju uroj një ditë të mbarë”, shprehet Rama, duke postuar një video të realizuar me këtë rast.
Kështu, nga një antikonformist dikur, duke vënë në diskutim shumë figura të nacionalkomunizmit, mes tyre dhe Skënderbeu, Rama po ndryshon qëndrim dhe po përfshihet në një konformizëm historik, njëherësh edhe politik. /tesheshi.com/
