Beteja mbi atë nëse BE duhet apo jo të pranojë vende të reja, edhe një herë pritet të ringjallë këtë javë mosmarrëveshjet e vjetra për temën e zgjerimit, si dhe pyetjen ekzistenciale për strategjinë pas Brexit, komenton “Financial Times”.
Shtetet anëtare duhet, sipas një artikulli, që së shpejti të vendosin nëse do të autorizojnë hapjen e negociatave për anëtarësim me Maqedoninë Veriore dhe Shqipërinë, e kjo prItet të jetë temë diskutimi të mërkurën, kur KomisionerI për Zgjerim dhe Fqinjësi, Johannes Hahn do të takohet me 18 ambasadorë të BE-së në Bruksel.
“E gjithë kjo është një punë e madhe, pasi BE-ja është rritur me vetëm tre vende pas një zgjerimi të të madh në vitin 2004”, shkruan FT.
Qershorin e kaluar – sipas Financial Times – 28 vendet anëtare i dhanë dritën e gjelbër me kushtëzim, Maqedonisë Veriore dhe Shqipërisë, për t’u bashkuar me fqinjët e tyre të Ballkanit, Serbinë dhe Malin e Zi, në negociatat e pranimit, dhe konfirmimi i këtij vendimi duhet të ndodhë këtë muaj.
Megjithatë, vëren FT, tani nuk është e sigurt nëse kjo do të jetë temë e bisedimeve në takimin e Ministrave të Jashtëm më 18 qershor, e shumë më pak nëse do vendoset.
Vendet e grupit “skeptik” të udhëhequr nga Franca, dhe duke përfshirë Holandën dhe Danimarkën, do të duhet të marrin garanci se anëtarët e rinj nuk do të sjellin probleme të reja kur bëhet fjalë për korrupsionin dhe sundimin e ligjit, të cilat kanë shkaktuar tashmë trazira në BE, sipas “Financial Times”.
Nga ana tjetër, entuziastët për zgjerim thonë se pasojat e mbylljes së derës mund të jenë serioze.
Shkrimi potencon faktin se një refuzim i BE-së për anëtarësime të reja, mund të rrezikojë të forcojë forcat rivale në Ballkan, veçanërisht Kinën dhe Rusinë, si dhe të reduktojë inisiativat për shtete të tjera që dëshirojnë të bashkohen me BE – në veçanti Serbia dhe Kosova – për të zgjidhur mosmarrëveshjet e tyre territoriale. /tesheshi.com/
