Presidentja e Urdhërit të Psikologut, Valbona Treska, ka paralajmëruar vetting dhe në radhët e atyre që kanë ushtruar këtë profesion në çështjet e drejtësisë.
“Kanë punuar në sistem edhe persona që nuk kanë qenë profesionistë të fushës, nuk kanë qenë profesionistë. Ata u kanë lënë për shembull për kujdestari fëmijën babait dhe jo nënës, kur i ka takuar nënës. Do të thotë psikologë që nuk kanë kuptuar dinamikën në familje dhe kanë bërë dëme, te fëmijët, familja, dëme që janë të parikuperueshme”, tha znj. Treska. Sipas saj, psikologët do të kalojnë në sitë vlerësimi njësoj si gjykatësit dhe prokurorët, veçanërisht ata jashtë Tiranës.
“Kemi persona që ushtrojnë këtë profesion veçanërisht në gjykatat dhe prokurortitë e rretheve, do të bëjmë pjesë të sistemit vetëm ata që janë profesionistë të fushës. Çfarë do të ndodhë me ata që s’janë profesionistë? Padyshim që do të largohen nga sistemi”, tha më tej presidentja e Urdhërit të Psikologut. /tesheshi.com/
