Veton Surroi, në një koment të botuar sot në gazetën e tij “Koha Ditore” duke sjellë një moment historik, të kohës kur “gatuhej” pavarësia e Kosovës përpara erës “Thaçi”, ka fshikulluar disa protale që ai i quan “toksike”.
Bëhet fjalë për morinë e portaleve që sjellin historinë në mënyrë marramendëse pa fakte e dëshmi, por qëllimi i Surroit është gjetkë.
Intelektuali shqiptar, duke sjellë pjesë nga dy libra të ish-ambasadorit amerikan në Beograd dhe atij të OSBE-së, gjatë negociatave të viteve 90.
Surroi rreket të analizoi se “nuk u zbulua Amerika” as në 98-98-ën por as në 20007-n por në vitet 1991-1992 kur SHBA poqi opsionin e saj për Kosovën.
Ja ç’shkruan Surroi ndër të tjera:
“Nga cektësia e portaleve joserioze, kjo fjali mund të lexohej që dr. Rugova angazhohej për një autonomi të Kosovës në një Jugosllavi konfederale. Në fakt, dr. Rugova në atë takim përsëriti një qëndrim të dakorduar me partitë e aktivistët tjerë (përfshirë edhe mua), e si prijës i lëvizjes, se Kosova donte të ishte e barabartë me republikat tjera, në Jugosllavi federale apo konfederale, pra se donte të ishte Republikë si të gjitha të tjerat.
Muaj më vonë, këtij qëndrimit tonë iu shtua edhe formulimi se Kosova do të pavarësohej, si shtet më vete, nëse këtë e bënin republikat tjera.
Portalet toksike mund të zhvillojnë edhe më hulumtime historike të kësaj natyre. Meqë e filluan me dr. Rugovën dhe mua, po u jap edhe një citat libri. Gert Ahrens, ambasador gjerman i angazhuar në Konferencën ndërkombëtare të Brukselit shkruan për diçka që këto portale doemos duhet ta identifikojnë si veprimtari ekstremiste. Në “Diplomaci në teh” (Woodrow Wilson Center Press, Washington DC, 2007) ai shkruan: “Në dhjetor 1991, gjatë një udhëtimi në Kosovë të nga një anëtari të ambasadës gjermane, britanike dhe norvegjeze në Beograd, Rugova kërkoi një shtet gjithëshqiptar nëse Jugosllavia zhbëhej tërësisht, ndërsa në një takim të veçantë me Veton Surroin…ai shprehu bindjen e tij se përfundimisht do të ketë një Shqipëri të bashkuar…”.
Si do të duhej të interpretohej ky citat? Brenda kontekstit ku është thënë, apo të krijohet një teori konspiracioni se më 1991 shpreheshim për opsionin e bashkimit kombëtar sepse në fakt kërkonim që Kosova të mbetej nën sundimin serb?
Tashmë është popullarizuar verdikti i të ndjerit Umberto Eço për rrjetet sociale në internet si mundësi artikulimi imbecilësh. Në fakt, këtë shumë më herët e kishte paraparë George Orwell në “Fermën e shtazëve”. Në të, kori i deleve ka një detyrë të veçantë: që gjithnjë të pohojë fjalët e Prijësit dhe gjithnjë të pamundësojë, me kor blegërime, çfarëdo zëri që do të ngrihej kundër fjalëve të prijësit.
Aty, në “Fermë”, do kërkuar edhe leximin historik që e bënë portalet toksike…” /tesheshi.com/
