Ka befasuar një shpërthim i Eduart Selamit, deri më sot i urtë, ku të vetmet reagime i ka patur ndaj kryetarit të tij Basha, mbi mënyrën e funksionimit të PD-së. Por në vazhdën e të qënit një ithtar i reformës në drejtësi, kjo dhe për shkak të foliamerikanizmit në identitetin e tij politik,
Selami ka reaguar ashpër ndaj një vendimi të Gjykatës Kushtetuese, për të rimarrë sërish ligjin e vetingut pas një kërkesë së Shoqatës së Gjyqtarëve, ç’ka rrezikon zbatimin e tij pikërisht në kulmin e procesit të zbatimit, kur pra po i hapet rruga spastrimit të drejtësisë.
Me një postim në twitter, Selami ka akuzuar një pjesë të politikës si “koalicion i krimit”.
“Përpjekjet për të bllokuar reformën në drejtësi do të dështojnë. Koalicionit të krimit po i vjen fundi. Shqiptarët do të kenë drejtësi”, shkruan Eduard Selami. “Koalicioni i krimit”? Me kë ta ketë vallë?
Sigurisht që jo me dyshen Rama – Basha, ku dhe ndaj këtij të fundit e ka zbutur gjuhën; apo dhe nga fakti se pakti mes të dyve mundet ta çojë pas 25 qershorit në qeveri. Ndoshta me atë lloj “koalicioni” që u shokua nga marrëveshja e 17 majit duke u gdhirë 18-ta, dhe që ka për përfaqsues dy emra të përvetçëm. /tesheshi.com/
