Në prag të fushatave zgjedhore tashmë është bërë e zakonshme që partitë kosovare të kthejnë kokën tek veprimtaria e ish-organizatës Shërbimit Informativ të Kosovës që e udhëhoqi për disa vjet Kadri Veseli, kreu aktual i PDK-së.
Është Lëvizj Vetëvendosje e cila përmes një konference për media duke folur për sistemin e drejtësisë duke thënë se nëse vijnë në pushtet do ta hetojnë SHIK-un.
Anëtarja e VV-së, Albulena Haxhiu tha se kur ata do të vijnë në qeverisje do ta bëjnë ç’kapjen e sistemin e drejtësisë, ndërsa ka shprehur brengën se si për këtë sektor nuk ndahet as 2 përqindëshi i totalit buxhetor.
“Kur të vijmë në qeverisje do të organizojmë hetimin e organizatës ilegale SHIK si dhe rrjetin e veprimtarisë së saj. Do ta hetojmë SHIK-un dhe dosjet që kanë pasur dhe të gjitha gjetjet do t’i dorëzohen prokurorisë”, deklaruar ajo.
Më tej, Haxhiu ka pohuar se do të bëjnë edhe hetimin mbi Korporatën Energjiteike dhe Postë Telekomin, si dhe do të zbardhin edhe vdekjen e aktivistit të tyre Astrit Dehari, vdekjen e policit Enver Zymberi, vdekjen e Dafina Zhubit, Ermal Kamberajt, Elvis Pistës dhe të tjera.
Haxhiu, ka thënë se do ta bëjnë edhe vettingun për të shikuar profilin dhe integritetin e secilit gjyqtar dhe prokuror në vend. /tesheshi.com/
