Nr. 2 i Vetëvendosjes, n/kryetari Besnik Bislimi, tha se Lista Serbe, nëse dëshiron të hyjë në qeverinë e re të Kosovës, duhet të respektojë kushtetutën e Kosovës dhe të dokumentojë që “e njeh Kosovën dhe punon në interesin e saj më të mirë”.
“Ajo (Lista Serbe) duhet të na dokumentojë se njeh shtetin e Kosovës dhe se do të punojë për avancimin e interesave të Republikës së Kosovës” tha Bislimi, duke shtuar se nuk mund që njerëz apo grupe që punojnë që të shkatërrojnë vendin e tyre, t’i jenë pjesë e qeverisjes.
Nga ana tjetër, zëri kryesor amerikan në rajon, i dërguari special Matthew Palmer, ka dhënë mesazhin se Srpska duhet të përfshihet në qeverisje.
Palmer tha gjatë vizitës së tij në Beograd në 4 nëntor se ishte e rëndësishme të respektohen rezultatet e zgjedhjeve në Kosovë, dhe se “është plotësisht e qartë se Lista Serbe ka fituar mbështetjen e shumicës dërrmuese të serbëve në Kosovë dhe të drejtën për t’u përfaqësuar në qeveri”. /tesheshi.com/
