Lëvizja Vetëvendosje ka lënë anash për një moment përçarjen duke u rikthyer tek rasti i vdekjes së aktivistit të tyre, Astrit Dehari.
Kryetari i kësaj partie, Albin Kurti, ka thënë se s’do ndalen së kërkuar drejtësi.
“Ne nuk do të ndalim kërkimin e drejtësisë dhe trysnisë ndaj institucioneve për hetim të pavarur. Kjo kërkesë përkundër premtimeve asnjëherë nuk është lejuar. Gjithashtu do të fillojmë me një interpelancë për kryeministrin Ramush Haradinaj”, ka thënë Kurti në një konferencë për media.
Ai është marrë edhe me një deklaratë të kryekuvendarit Veseli bërë Kuvend pak ditë para vdekjes së Deharit.
“Disa ditë para se Astrit Dehari të humbte jetën, në Kuvend Kadri Veseli pati thënë: ‘kujdes, po e vrani veten’. Veseli kurrë nuk e ke sqaruar këtë deklaratë tij se çka ka dashur të thotë”, ka thënë Kurti.
Kryevetëvendosësi ka folur rreth ngjarjeve që rrodhën pas vdekjes së Deharit në qeli.
“Më 5 nëntor Astriti ngelet 4 minuta e gjysmë në qelinë A3. Për 4 minuta njeriu vdes 4 herë. Në rrethana të dyshimta vdes Naser Makolli i burgosur që kishte qenë në qelinë e njëjtë me Astiritin. Sipas deklaratës së tij të parë, ai ishte personi i parë që e gjeti Astritin në qeli të shtrirë përtokë. Ai ka thënë se u përpoq t`i jepte ndihmën e parë Astritin. Në riintervistim ai foli edhe për frikën që kishte nëse e merr policia në pyetje. Ka deklarata kontradiktore se kush ia ka hequr Astritit shishen nga goja dhe kush ia ka dhënë ndihmën e parë. Në burg të Lipjanit në 4 prill të vitit 2017 vet Makolli u gjet i vdekur. Nga të burgosurit aty është fikur dhe është venitur porsi qiriu. Duke humbur peshë ditë pas dite deri kur edhe vdes. Është habi si ka marrë medikamente për lukth dhe vdes nga pëlcitja e aortës”, ka thënë ndër të tjera Kurti.
Ai ka shtuar se Astrit Dehari ishte i burgosur pa aktakuzë, ishte i pafajshëm jo vetëm moralisht por edhe ligjërisht.
Kurse deputeti Glauk Konjufca ka thënë se dje ka përfunduar edhe afati kohor që ata i patën dhënë institucioneve të Kosovës me kërkesat e parashtruara në marshin e 5 nëntorit, në 1-vjetorin e vdekjes së Astritit.
Sipas tij, njëra prej kërkesave kryesore ka qenë një hetim i pavarur.
“Në një vjetorin e vdekjes së Astrit Deharit në burgun e Prizreni, VV më 5 nëntor pat organizuar një marsh protestues me kërkesa të qarta për institucionet e Kosovës. Aty ka qenë një afat i dhënë për institucionet nga ky marsh me kërkesa dhe në ditën e djeshme është kryer ky afati për t’u përgjigjur në këto kërkesa. Deri më tash asnjëra nuk është realizuar prej këtyre, dhe njëra prej kërkesave kryesore ka qenë edhe një hetim i pavarur”, ka thënë Konjufca.
Sipas tij, ka pas vonesa të vazhdueshme të vullnetit politik për t’i hapur rrugë drejtësisë dhe të plotësohet kërkesa e vetme e familjes qe të ketë hetim ndërkombëtar. /tesheshi.com/
| Click here to Reply or Forward |
0.19 GB (1%) of 15 GB used
Last account activity: 14 minutes ago
Details
