Vetëvendosje përmes një aksioni të zhvilluar para objektit të qeverisë së Kosovës, ka paraqitur një piramidë për pagat dhe shpenzimet e qeverisë së Ramush Haradinajt.
Egzon Haliti nga VV, gjatë këtij aksioni ka thënë se qeveria Haradinaj është zhytur në shpenzime enorme të pagave dhe komoditet me dreka e darka.
“I kemi pushtetarët super të pasur, qeveria e Haradinajt vetëm për paga ia merr buxhetit 4 milionë euro. Kjo qeveri nuk shquhet vetëm për paga të mëdha, por edhe kabinetin e madh qeveritar. Sikur të mos u mjaftonin pagat, kabineti është i zhytur nëpër shpenzime enorme nëpër dreka e darka. Në komoditetin e jetës luksoze nuk mund të mendoj për mjerimin dhe varfërinë e popullit”, ka deklaruar Haliti.
Sipas tij, Kosovës i duhet një qeveri që minimizon shpenzimet, të cilat nuk po arrin t’i bëjë qeveria aktuale. /tesheshi.com/
