Lëvizja Vetëvendosje ka bërë të ditur se do ta kundërshtojë ratifikimin e Demrakcaionit me Malin e Zi, por ka lënë të kuptohet se këtë do ta bëjë vetëm përmes rrugës parlamentare e jo gazit lotsjellës si kohë më pare.
Shefi i grupit parlamentar të VV-së, Glauk Konjufca në një konference për media tha se do t’i përdorin të gjitha mjetet nga votimi kundër deri të pamundësimi i kuorumit.
“Ramush Haradinaj po shërben si mburojë për krimet që kanë bërë Hashim Thaçi e Kadri Veseli me territor”, tha Konjufca.
Sipas tij nuk ka ndryshuar komisioni Meha, por AAK e Nisma. Madje Konjufca tha se i vetmi që po mbetet pa fytyrë është Haradinaj, ndërsa po ngadhënjen Murat Meha.
Kurse kryevetëvendosësi Albin Kurti tha se Demarkacioni po shitet si çmim për liberalizimin e vizave.
Ai tha se kjo nguti, është e Thaçit dhe Haradinajt pasi liberalizimi nuk do të vije as këtë javë as javën tjetër as stinën tjetër.
Kurti theksoi se këta nuk e kanë për qytetarët por për karriget e tyre që po u lëkunden. Sipas tij nuk është vetëm Demarkacioni por edhe lufta ndaj krimit e korrupsionit me vendime të prera. Kurti tha se meqë janë dy kritere, ai për luftimin e krimit dhe korrupsionit dhe ai për Demarkacionin atëherë le të merren me luftë kundër korrupsionit e le të lënë kohë për diskutime me Malin e Zi për Demarkacionin. /tesheshi.com/
