Mjeku i njohur i “Shefqet Ndroqit”, dr.Perlat Kapisyzi, u ofroi mediave një rezyme mbi vetëflijimin nr.3 në këtë spital, siç ishte rasti i një 53-vjeçari nga Tropoja.
“Sot në orën 3 te mëngjesit, ka ndodhur një ngjarje e rëndë që na ka tronditur pa masë të gjithëve: mjekët, infermierët në shërbim por edhe të gjithë stafin e spitalit tonë që bën një luftë heroike çdo ditë për të shpëtuar jete.
53-vjeçari ishte shtruar në datë 25 tetor me pneumoni shume te rende, të shkaktuar si pasojë e virusit SARS COV2.
I janë kryer menjehërë të gjitha ekzaminimet radiologjike, laboratorike, është vendosur në mjekim sipas të gjitha protokolleve bashkëkohore, duke mos i munguar në asnjë moment shërbimi dhe përkujdesi mjekësor dhe infermieror.
Sipas të dhënave te disponueshme gjate kohes se qendrimit ne spital pacienti nuk ka manifestuar shenja të çrregullimeve psikologjike si në momentin e shtrimit edhe gjatë terapive te mjekimit. Ky është një moment i vështirë për ne.
Kjo është një ngjarje e hidhur për spitalin tonë, dhe se bashku me organet kompetente do punojmë për zbardhjen e kësaj ngjarje. Duke shprehur edhe një herë dhimbjen për këtë ngjarje të rëndë, stafi i spitalit universitar “Shefqet Ndroqi” siguron qytetarët se do të vijojë të jetë në shërbim 24 orë për të garantuar shërbimin shëndetësor për pacientët që trajtohen në spitalin tonë. Kërkojmë mbështetjen tuaj në këtë moment të vështirë për të gjithë ne” , tha dr.Kapisyzi. /tesheshi.com/
