Ndonëse fushata zgjedhore fillon zyrtarisht më 31 maj, kreu i PDK-së, Kadri Veseli sot ka mbajtur një takim me struktura dhe simpatizantë në Skenderaj dhe në Drenas.
Veseli, me këtë rast ka thënë se në Drenicë ndihet se qëndron “mbi supe të heronjve të rënë dhe atyre të gjallë të republikës sonë”.
“Kjo zonë është zemra e Kosovës”, ka deklaruar Veseli, por nuk ka përmendur sakrificën e familjes Jashari dhe komandantit Adem Jashari, çka në vitet e paslutës krerët e PDK-së kanë fituar jo pak vota duke u thirrur në ta.
Veseli, më tej kujtoi kohën e luftës ku tha se “Skënderaji dhe Drenasi janë vendet që më kanë strehuar gjatë luftës dhe frymëzuar tani në liri”.
“Fillimi i Ri do të sigurojë edhe një shtysë për vende të reja të punës dhe për investime të reja në Skënderaj dhe Drenas”, premtoi Veseli. /tesheshi.com/
