Ashtu sikur vitin e kaluar, shirrat e rrëmbyeshëm kanë shkaktuar vërshime në malësinë e Tetovës, duke nxjerrë nga shtrati lumin në fshatin Poroj e shkaktuar dëme materiale.
Dy ura të shkatërruara tërësisht dhe një e tillë e bllokuar, janë vetëm disa nga dëmet e konstatuara deri më tani.
Vërshimi i ujrave nga malet ka dëmtuar edhe të mbjellat e fshatarëve. Kjo ka detyruar kryetaren e komunës, Teuta Arifi që të ngrejë menjëherë shtabin e emergjencës. Në Tetovë ka mbërritur dhe një delegacion qeveritar për të diskutuar dhe parë nga afër situatën. Për këtë arsye, në mbledhjen e radhës së qeverisë në Shkup do të përcaktohet plani i ndërhyrjes në shtratin e këtij lumi.
Sa herë ka shira në zonën e Tetovës, frika më e madhe është tek fryrja e lumit të Porojit. /tesheshi.com/
