Turqia dhe grupet ndërkombëtare të të drejtave të njeriut kanë dënuar një vendim të gjykatës saudite për vrasjen e gazetarit Jamal Khashoggi, duke thënë se kjo nuk çoi në drejtësi.
Pesë vetë u dënuan me vdekje të hënën për vrasjen e bujshme, ndërkohë që dy këshilltarët e nivelit të lartë për Princin e Kurorës Mohamed bin Salman janë liruar.
Prokurori saudit tha se 31 persona janë hetuar në lidhje me vrasjen dhe 11 ishin akuzuar. Tre persona u dënuan me gjithsej 24 vjet burg dhe pjesa tjetër u la e lirë. Emrat e të dënuarve ende nuk janë lëshuar.
“Hetimi zbuloi se vrasja nuk ishte e qëllimshme … Vendimi u mor në çast”, tha zëvendësprokurori saudit Shalaan al-Shalaan.
Khashoggi ishte një qytetar amerikan dhe kritik i Princit të Kurorës Saudite Mohammed bin Salman. Ai u vra në 2 tetor 2018 në konsullatën saudite në Stamboll, dhe trupi i tij ende nuk është gjetur.
Agjencitë turke të inteligjencës kanë arritur në përfundimin se ai ishte vrarë dhe CIA ka lëshuar një raport ku thuhej se Princi Saudit i Kurorës, Princi Mohamed bin Salman është me siguri prapa vrasjes.
Ahmed Benchemsi, një zëdhënës i Human Rights Watch, tha se gjyqi ishte “konfidencial që nga fillimi”. “Ne nuk dimë identitetin e autorëve të dyshuar”, tha ai.
“Prokurorët sauditë nuk janë përpjekur të hetojnë nivele më të larta të këtij krimi, dhe kush urdhëroi vrasjen, përfshirë Princin Mohamed bin Salman”, shtoi Benchemsi.
Turqia e përshkroi aktgjykimin si “skandaloz” dhe tha se përgjegjësve të vrasjes iu dha imunitet.
“Ata që sollën skuadrën e vdekjes në Stamboll me avion privat … dhe u përpoqën që të fshehin këtë vrasje, iu dha imunitet,” tha Fahrettin Altun, këshilltari i Presidentit Rexhep Tajip Erdogan.
Ministria e jashtme tha se vendimi ishte “larg nga pritjet e të dy vendeve dhe bashkësisë ndërkombëtare”.
Agnes Callamard, Raportuese Speciale e KB për vrasjet e jashtëligjshme, i cili më parë lidhte drejtpërdrejt Princin Bin Salman me vrasjen, tha se aktgjykimi ishte “asgjë përveç drejtësisë”.
“Sipas ligjit ndërkombëtar të të drejtave të njeriut, vrasja e Khashoggi është një ekzekutim jashtëgjyqësor për të cilin shteti i Arabisë Saudite është përgjegjës”, shkroi ajo në Twitter.
Reporterët pa Kufij thanë se vendimi “mund të interpretohet si një mjet për të heshtur përgjithmonë të dyshuarit”.
Ata shtuan se nuk ishte e qartë pse disa u dënuan dhe të tjerët u lanë të lirë.
Amnesty International kritikoi vendimin, duke thënë se kjo nuk sillte as drejtësi as të vërtetë për Jamal Khashoggi dhe familjen e tij.
E fejuara e Khashoggi Hatice Cengiz tha se ajo nuk ishte e kënaqur me aktgjykimin dhe se shpjegimi saudit nuk ishte i pranueshëm.
Nga ana tjetër, djali i tij Salah njoftoi se familja e tij kishte marrë drejtësi dhe se ajo ishte e sigurt në vendimmarjen e gjyqësorit saudit.
Mbretëria e Bashkuar ka dënuar përdorimin e dënimit kapital në përgjithësi dhe tha se familja Khashoggi meritonte drejtësi.
Një zyrtar amerikan i Departamentit të Shtetit u tha gazetarëve se vendimi ishte “një hap i rëndësishëm”.
“Vendimi i sotëm është një hap i rëndësishëm në përcaktimin e përgjegjësisë për një krim të tmerrshëm. SHBA është duke inkurajuar Arabinë Saudite të zhvillojë gjykime të drejta dhe transparente”, tha ai. /tesheshi.com/
