Mark Noble, kapiten i skuadrës, West Ham United ka treguar shkathtësinë e tij mbresëlënëse për të mos lejuar as edhe një qese brenda fushës së futbollit.
Gjatë duelit me Liverpool-in, tifozët vendas kishin hedhur një qese plastike brenda fushës, të cilën e largoi Noble, duke e mbajtur në xhepin e tij deri në fundin e ndeshjes.
Pas përfundimit të takimit, Noble ka postuar një fotografi të qeses, duke shkruar:“Drejt e në xhepin tim”.
West Ham United fitoi duelin përballë Liverpool (2-0), ndërkohë Noble fitoi edhe më shumë dashuri nga tifozët në ishull, pasi futbollisti i çekanëve njihet për korrektësinë e tij. /tesheshi.com/
