Nëse për dikë një shpinë me qime mund të jetë me të vërtetë e shpifur, nuk është njësoj për Mike Wolfe, i cili e konsideron këtë karakteristikë si një vepër të vërtetë arti.
Në fakt, nuk ka qenë përherë kështu. Disa vite më parë, Mike ndihej në disavantazh për shkak të shpinës me qime, deri në atë pikë saqë në takimin e parë me bashkëshorten aktuale, i rrëfeu këtë gjë në një mënyrë shumë të nervozuar, si të ishte duke folur për ndonjë deformim që kishte në trup.
Mirëpo, shumë shpejt Mike nisi të kuptojë se nuk duhej të turpërohej për shpinën e tij, e madje mund ta përdorte në mënyrë shumë kreative. Ai nisi të ideojë dizenjo me qimet e shpinës, duke ia besuar një mikut të tij punën e qethjes dhe modelimit.
Ideja pati sukses, ndaj burri vendosi të realizojë një kalendar. Për të bërë fotografitë dhe për të realizuar një dizenjo të ndryshme, atij i duhet të presë deri sa të rriten qimet. “Më vjen shumë vështirë, por është argëtuese”,- ironizon Mike./tesheshi.com/
