Kaosi dhe dhuna kanë shoqëruar zgjedhjet për Asamblenë Kushtetuese në Venezuelë.
Siç bën të ditur BBC, 13 persona janë vrarë vetëm në 24 orët e fundit, 120 në total që nga prilli. Protesta e opozitës është përhapur në të gjithë vendin, me momente të ashpra të një guerrileje urbane.
Ndërsa qeveria thekson se “në vend mbretëron qetësia, zgjedhjet u bojkotuan nga shumica e popullsisë.
Sipas rezultateve zyrtare vetëm 41% e zgjedhësve kanë marrë pjesë në votime, por Maduro e cilëson si një “sukses historik”.
Lideri i opozitës, Leopoldo Lopez, i ka bërë apel komunitetit ndërkombëtar që të mos njohë zgjedhjet dhe të denoncojë atë që ai e ka cilësuar “një represion brutal të protestës së qytetarëve”.
Ndërkohë, SHBA po vlerësojnë vendosjen e sanksioneve ndaj Venezuelës.
Wall Street Journal, thekson se sanksionet amerikane do të vendsoen ndaj industrisë së naftës, çka mund të sjellë pasoja të rënda për ekonominë e Venezuelës.
Ka një përplasje të shifrave të pjesëmarrjes në votime për Asamblenë Kushtetuese, e cila do të duhet të ndryshojë Kushtetutën e vendit.
Opozita, e cila ka bojkotuar procesin që e quan një farsë, thekson se kanë abstenuar 87%, kurse qeveria thekson se kanë marrë pjesë në votime rreth 41% e zgjedhësve me të drejtë vote.
Gjatë orëve në vazhdim është rritur edhe numri i shteteve të kontinentit amerikan që nuk e njeh procesin e votimit.
Meksika, Kolombia, Peruja dhe Argjentina e cilësojnë procesin zgjedhor si një “farsë”, ndërsa Kili flet për “votë ilegjitime”. SHBA, nga ana tjetër ka dënuar ashpër dhunën.
Një kandidat për në Asamblenë Kushtetuese u vra në shtëpinë e tij në qytetin Ciudad Bolivar, kryeqendra e shtetit të Bolivarit, që ndodhet në juglindje të vendit.
Prokuroria e Përgjithshme thekson se viktima është José Felix Pineda (39 vjeç), duke sthuar se “një grup personash kanë hyrë në shtëpinë e tij dhe e kanë vrarë me armë zjarri”. /tesheshi.com/
