Tre gazetarë, mes të cilëve dy italianë dhe një tjetër venezuelian, u arrestuan ndërsa po përgatisnin një reportazh në një burg në Venezuelë.
Ngjarja u denoncuar nga organizata e gazetarëve dhe ajo e mbrojtjes së të drejtave të njeriut.
Roberto Di Matteo dhe Filippo Rossi, me kombësi italiane sipas organizatës “Foro Penal”, dhe venezueliani, Jesus Medina, u arrestuan të premten pasi kishin hyrë së bashku me grupin e xhirimit në burgun e Tocoron në Shtetin e Araguas.
“Ata ndodheshin në burgun e Tocoron për një investigim, ndërsa u arrestuan”, sqaroi sindikata kombëtare e punonjësve të medias (SNTP).
Organizatat e gazetarëve nuk saktësuan se për cilën media punonin gazetarët italianë, por Medina është fotoreporter në portalin “DolarToday”, i njohur për tonet kritike ndaj qeverisë. /tesheshi.com/
