Takimi i presidentëve të Venezuelës dhe Kolumbisë ka sjellë pajtimin për ta rihapur në mënyrë graduale kufirin midis dy vendeve një vit pas mbylljes së tij.
Nicolas Maduro dhe Juan Manuel Sandos u takuan në qytetin Puerto Ordaz të Venezuelës. Të dy krerët e shteteve u pajtuan që hapja e kufirit të niste që nga e shtuna.
Në fundjavë pritet që të ketë një kalim të madh të qytetarëve të Venezuelës për në anën tjetër të kufirit për të blerë ushqime dhe ilaçe.
Qeveria e Venezuelës i mbylli një viti më parë të gjitha kalimet kufitare për të frenuar kontrabandën. Mbi 100.000 njerëz e kalonin kufirin për çdo ditë përpara se ai të mbyllej, ndërsa ky numër ra në 3.000 pas mbylljes.
Procesi do të jetë i ngadaltë, sipas presidentit kolumbian. “Do të jetë një hapje e përkohshme, ndërsa mësojmë dhe i rregullojmë vendimet tona hap pas hapi,” deklaroi ai. /tesheshi.com/
